Влада одобрила пропозицію опатрінь у звязку з коронавірусовым варіянтом омікрон. Аплікує ся новый режім OP plus. Сповнювати го буде лем єдна особа з трома давками заскіпіня протів захворіню COVID-19,  особа, котра захворіня переконала і мать дві давкы очкованя, або з двома давками вакціны і з тестом. Од 1-го фебруара ся коротить час повной заскіпености протів захворіню COVID-19 з днешніх 12 місяців на девять од поданя послідньой давкы. Єдночасно ся коротить і час по переконаню зхворіня COVID-19 з днешніх 180 на  90 днів. Владный кабінет на вчерайшім засіданю вырішыв і о тім, же заказ стрічавати ся на мітінґох ся рушыть. (TASR, Pkf)