Факултный шпыталь з поліклініков Я.А.Реімана в Пряшові хоче змодернізовати сучасный анґіоґраф а забезпечіти новый. В проходячіх днёх дошло ку порусї машыны а паціентів ошетрёвали у Выходословацькім інштітутї сердцёвых і цієвных хворот в Кошіцях. Анґіоґраф, зобразуюча машына при діаґностіцї захворінь цієвной сістемы, быв в пряшівскім кардіоцентрі іншталованый в роцї 2007. Шпыталь подля слов директора шпыталя Любоміра Шарнїка планує в марцу або апрілю того рока змодернізовати сучасный анґіоґраф. Зряджіня салы з новов машынов шпыталь передпокладує концём того або зачатком рока 2023. Моментално проходить верейне обстараваня.

(TASR, Шутіова)