Америцькый презідент Доналд Трамп в понедільок остерігав Ізраіль перед дестабілізаційов Сірії і їй нового веджіня, лем дакілько днів по атаці ізраільскых сил на югу країны, інформує аґентура AFP. За словами америцького презідента є барз важным, жебы Ізраіль утримовав силный і щірый діалоґ із Сірійов, і жебы ся не стало нич, што бы боронило Сірії в їй розвитку ку просперуючій державі. Шеф Білого дому высловив спокійность із кроками Дамаску під веджіньом дочасного презідента Агмада Шары, котрый минувшый місяць быв на історічній навщіві у Вашінґтоні.

(Медвідь, TASR)