Підпредседа влады СР про інвестиціії і інформатізацію Ріхард Раші навщівив днесь Інформачно-пораденске центрум (IPC) в Пряшові. Стрітнув ся так з  председом Пряшівского самосправного края Міланом Маєрскым і на сполочнім бріфінґу оцінили дотеперішню роботу IPC і єдночасно інформували  о тім, же  IPC буде продовжувати  у своїй роботі дальшых три рокы. Ріхард Раші  в часі огляду центра вєдно з председом PSK открыв і нову модерну семінарну містность в IPC. Інформачно-пораденске центрум Пряшівского самосправного края про европскы штруктуралны і інвестічны фонды забезпечує одборну поміч і пораденство формов особных, меіловых  і телефонічных конзултацій, як і посередницьтвом організуваня інформачных семінарів. Центрум фунґує на уряді PSK од 1. октобра 2016. Є фінанцованый 82 % з Европского фонду  регіоналного розвоя, 13% зо штатного бютжету і решту фінанцує Уряд PSK. Кедже пілотный проєкт ся в рамках Інтегрованой сіті інформачно-пораденскых центер освідчив, буде продовжувати далей у вшыткых крайскых містах. (TASR, Pkf)