Місто културы на рік 2024 ся стало Гуменне. Вырішыв о тім Фонд на підпору уміня (FPU). Переможцю выбрав споміж трьох фіналістів, котры в понеділок одпрезентовали свої проєкты. Гуменне єдночасно здобыло підпору у вышці 279.808 евр. Пресаґентуру TASR о тім інформувала Ева Туранска з FPU. О тітул бойовали іщі міста Брезно і Шаля. Як Фонд на підпору уміня окрім іншого конштатовав, же выбраный проєкт мать великый потенціал на будованя персоналных капаціт важных про утримательность културной інфраштруктуры міста і по скінчіню проґрамового періоду проєкту. Окрім того рефлектує на локалны темы і роботу з молодым публіком. Гуменне ся так стане в ряді пятым Містом културы, і то по Ревуцій, Старій Любовні, Новых Замкох і Баньскій Щявниці.  (TASR, Pkf)