В суботу 11-го новембра в Абрановцях одбуде ся літурґічне святкованя, в рамках котрого припомянуть собі ґрекокатолицькы віруючі 100 років од народжіня владыкы Йоана Гіркы. В містнім Храмі Рождества Песвятой Богородіці буде владыка Петро Руснак служыти архієрейску літурґію, по котрій буде на фасаді храму одкрыта і поблагословлена памятна табла ку тій річніці. Торжество буде продовжати молитвов панахіды на гробі владыкы, котрый быв першым пряшівскым єпархом по 1989-ім році, і є похованый якраз на містнім цінтері. Наслідно буде перед сельскым урядом одкрыта буста єпіскопа Гіркы.

(Медвідь, ISPA)