Председа влады СР Роберт Фіцо одмітать тверджіня о звышіню ДПГ в рамках консолідації. У відеу на соціалній сіті так реаґовав на высловы опозичного Проґресівного Словеньска (PS). „Намість того, жебы признали, хто вшытко быв плаченый британьсков владов і за якы актівіты, приходять з обвиніньом, же хочеме наприклад в рамках консолідації звышовати ДПГ. Ніч з того не є правда,“ повів премєр. Проґресiвне Словеньско в середу на пресконференції увело, же Фіцо ся коншпіраціями о загранічных впливох на вольбы 2023 на Словакії снажыть перекрыти приправлене звышіня ДПГ в далшім колі консолідації, і то о два перцентуалны пункты. (TASR, Pkf)