Полiцiя на Словакії перевірює підозріня з овпливньованя політічной сітуації перед парламентныма выборами 2023 з боку Великой Британії. При тім співпрацює із справодайскыма службами. Перевірює ся і некомпетентне выужытя фінанцій з Европской унії на політічну діятельность і загранічне фінацованя особ і орґанізацій з цільом овплывньовати політіку. Тото высліджованя повязане із тверджінями словацького премiєра з вівторка, же британьске міністерство загранічных справ платило інфлуенсерів на овплывньованя волеб на шкоду Smeru-SD і на хосен Проґресивного Словеньска, причім ся одкликав на статю порталу marker.sk. Представникы Великой Британії обіцяли поясніня своїх актівіт в часі авґуста, на основі котрого Словакія рiшыть о далшых кроках. (TASR, Pkf)