Покля буде мадярьскый премєр продовжовати у своїй теперішній політіці, Мадярьско буде в Европскій унії ізоловане, повів у віторок в Бруселі першый підпредседа Европской комісії Франс Тіммерманс. Подля інтернетового выданя тыжденика Heti Világgazdaság Тіммерманс, котрый є кандідатом Партії европскых соціалістів на посаду шефа Европской комісії в слідуючіх выборах до европарламенту, мадярьску сітуацію оцінив на стрічі з веджіньом Мадярьской соціалістічной партії. Сконштатовав, же векшына Мадярів хоче быти в Европскій унії, а ани він не знать собі представити унію без Мадярьска, но країна ся буде ізоловати, покля Орбан не змінить політіку, што бы не было добре із погляду перспектівы державы.
(Медвідь, TASR)
Фото: TASR/AP