Росія не видить причіну жадати о посередників рішіня конфлікту з Українов у повязаню з недільным інцідентом. Повів то у віторок в Паріжу російскый міністер загранічных діл Серґей Лавров. Інформовала о тім аґентура Associated Press. Лавров тым реаґовав на слова німецького шефа діпломації Гейка Мааса, котрый назначів, же Росія і Україна бы могли співпрацовати з Німецьком і Франційов, жебы знижыти напругы. Лавров так само повів, же западны підпорьователі Україны бы мали загнати державі „ясный сіґнал“, жебы Київ перестав з подобныма „провокаціями“.
(Медвідь, TASR)