Святом, котре дочасно не буде дньом робочого покоя, мать быти намiсть 6-го януара будучій рік 15-ый септембер. Цілковo чісло свят, в часі котрых ся буде робити, бы ся змінити не мало. Тото выходить з позмінюючой пропозиції, котру у вівторoк в часі діскусії к пакунку консолідачных опатрінь в Народній раді представив коалічный посланець Даніел Карас (Smer-SD). Обмеджіня днів робочого покоя є частьов консолідачного пакунка, влада такым способом планує здобыти додатковы фінанції до розрахунку. (TASR, Пкф)