При подаваню даньового признаня рекомендує фінанчна справа (FS) схоснувати електронічный портал, котрый даньовникам ушпорить час і єдночасно забезпечіть, же даньове признаня будуть мати выповнене правильно. Кедь мать даньовый субєкт жытельску леґітімацію з чіпом, знать подати даньове признаня електронічно без навщівы даньового уряду. Інформовала о тім FS. Выгодов електронічного подаваня є подля справы так само сістематічна контроля документу. В припаді выповньованя на єй порталі сістем реґулярно контролює формулярь і фаребно підчеркує рядкы, в котрых найде хыбы. Окрім того сістем вырахує і автоматічно доповнить далшы дани, доповнила FS. (TASR, Pkf)