Саміт НАТО, котрый одбуде ся 14-го юна в Бруселі, вышле силный сіґнал о трансатлантічній єдности. По понедільковій стрічі з америцькым презідентом Джовом Байденом в Білім домі то выголосив ґенералный секретарь НАТО Єнс Столтенберґ. Інформовала о тім в ночі на віторок аґентура DPA. За словами шефа Аліанції буде саміт міцнов демонштраційов трансатлантічной едности Европы і Северной Америкы, кедьже вєдно суть тоты контіненты міцнішы і веце в безпечу. В повязаню з різныма вызвами і огрожінями, на котры треба ся пририхтовати, Столтенберґ вказав на Росію і їй роснучу аґресію односно своїх сусідів, як і на Кітай і його інвестіції до нового воєньского потенціалу.

(Медвідь, TASR)