Сірьскы Курды ознамили, же цалком одступили з безпечностной зоны на севері Сірії. Зробили так у звязку з догодов о примірї з Турційов, абы передыйшли продовжуваню турецькой офензівы. На севері Сірії зачало од днесь діяти пріміря, котре є выслідком стрічі америцького віцепрезідента Майка Пенцеа з турецькым презідентом Рецепом Таїпом Ердоґаном. Турція ся в ній завязала перерушыти свою воєньску операцію в даній області, абы дала можность курдскым силам одступити ся в часі пятьох днів з тзв. безпечностной зоны. Кедь буде дане одступліня скінчене, мать быти за словами Анкары турецька операція скінчена. (TASR, Pkf)