В Народнім парку Полонины і Храненій країнній области Вігорлат прибыли перед літньов турістічнов сезонов шпеціалны кошы на смітя, де мож метати циґаретльовы шпакы. Цільом той новоты є хранити природу перед забруджіньом і передыйти тому, жебы были пожары в близкости цінных буковых пралісів. Кошы наіншталовали на трасах ХКО Вігорлат при Хаті Лісів СР на Морьскім оку і на парковиску перед вступом до природной резервації Вігорлатьскый праліс. В НП Полонины суть кошы в Земпліньскых Гамрах, при сельскім уряді в Новоселиці, і в селі Влыч. Іншталацію забезпечіла словацька компанія, котра як єдина хоснує патентовану технолоґію реціклації циґаретльовых шпаків. Мінить їх на матерію, котра служыти як придавок до асфалту при будованю драг.

(Медвідь, TASR)