Хорватія подарує Босні і Герцеґовині 30 000 доз вакціны од компанії AstraZeneca в рамках помочі в боротьбі проти нового коронавірусу. В понедільок то оголосив хорватьскый міністер внутрішніх справ Давор Божіновіч по стрічі з босняньсков міністерков про обчаньскы діла Анкіцов Ґуделєвічовов, інформовала аґентура Hina. Хорватія вакціны подарує в рамках розшыреной гуманітарной помочі своїм сусіднім країнам, головно Босні і Герцеґовині, Чорній Горі і Косову. Подля Божіновіча жадна країна не докаже выграти боротьбу з пандемійов без помочі.

(Медвідь, TASR)