Зерно з Україны ся не буде продавати в Польщі, але вывезе ся до Африкы а на Близкый выход. Повів то польскый премєр Матуес Моравіецкі по тім, як ся у многых медіях обявили справы, же польскы польногосподарї ся боять можного продая україньского зерна на польскім торгу. Премєр в тім повязаню повів, же пожадав польского міністра польногосподарьства Генріка Ковалчіка, жебы сітуацію дослїдно перевірив а припадный продай заставив.,,Зерно, котре приходить до Польщі з Україны, ся мать продавати в Африцї і на Близкім выходї, жебы ся заістила потравинова безпечность того реґіону,” повів польскый премєр. ,,Польща мать свої властны потравины, своє властне зерно а мы будеме хранити польскых польногосподарїв,“ додав.

(TASR, Шутіова)