x

Депутаты ПСК рішыли музей в Меджілабірцях

00

На понедільковім засіданю заступительства Пряшівского самосправного краю депутаты взяли до відома інформацію, же бывша директорка Музею модерного уменя Енді Варгола скінчіла на своїй позіції договором ку кінцю фебруара. Інформовав о тім жупан Мілан Маєрьскый. Председа краю повів, же зробить вшытко, жебы сітуація в музею стабілізовала ся і успокоїла, і жебы вшыткы намагы были прямованы на благо той інштітуції. В короткім часі быв мав быти выголошеный конкурз на нового директора, пише денник Korzár. Зміна на ведучій функції є повязана із кавзов образу Велике куряче корзо од Пола Вархолы, найстаршого брата Енді Варгола. Довгорічный куратор і співоснователь музею Михал Бицько твердить, же образ є його, з музею го взяв і продав. Бывша директорка Людмила Штецьова на нього дала карне оголошіня, кідьжe образ є евідованый як маєток музею. Бицькови дала за правду комісія про творіня збіркового фонду. Заєвідованя означіла за адміністратівну хыбу і рекомендовала го дати гет зо збіркового фонду музею.
(Петро Медвідь)