x

Днесь в Снині ся одбуде вернісаж выставы „Ікона – теолоґіа у фарбах“

00

Навщівниці снинского каштеля будуть мати можность собі посмотрити выставу під назвом „Ікона – теолоґіа у фарбах“, котра одпрезентує 68 переносных образів мальованых на деревяных дочках зображуючі сакралны мотивы. Іконы з 17. аж 19. стороча походжаючіх з області Ґреції, Булґарії, Румунії і Россії творять часть збіркы обчаньского здружіня Іконы із Жіліны.„Бонусом про навщівників буде наісно дорогоцінна ікона Ярославськой Матері Божой із 16.стороча,“ інформувала кураторка снинского каштеля і выставы Данєла Капральова. Єй частьов буде і теоретична часть о теолоґічных аспектах іконы і едукачна часть про штудентів і дорослых. Вернісаж ся одбуде днесь о 17 годины. Выстава потырвать до 31. мая.