Серіойов споминковых акцій собі Ізраїль од вчерайшого вечера до днишнього западу сонця припоминать памятку шести міліонів Жыдів вбитых націстамі в перебігу другой світовой війны. Інформувала о тім аґентура АП. Єй творячов частьов є і головна славностна церемонія в ареалі єрузаїльмского памятника голокавсту Яд ва-шем. Ізраїльчане днесь рано дали честь памяткі жертвам голокавсту двома мінутами тиха, в перебігу котрых ся розозвучали сірены. В рамках споминковых актів є і чітаня мен жертв голокавсту в ізраїльскім парламенті. Хоч ОСН выголосила за меджінародній день споминкы жертв голокавсту 27. януар, в Ізраїлі собі голокавст припоминають в 27 день місяця нісан, кедь кулміновало повстаня у варшавскім ґеті. День споминок на жертвы шоа, то значіть голокавсту, званый гебрейськы Йом га-шоа, належить к найважнішым в ізраїльскім календарї.
(TASR)