Президентскы вольбы в Словенії выграла ліберална правничка Наташа Пірцова Мусарова. Пресаґентура TASR о тім інформує на основі справы аґентуры AFP. Пірцова Мусарова буде так в Словенії першов женов на презідентьскім місці. Зо зрахуваня 82 процент одовзданых голосуючіх листків выходить, же Наташа Пірцова Мусарова, підпорована середньолівов владов, здобыла в другім колі волеб підпору 54 процент воличів. Єй протікандідата, бывшого міністра заграничных діл Анжего Лоґара, волило в неділю 46 процент воличів. Новый презідент вычерять у функції днешнього презідента Борута Пагора, котрый функцію заставав уж два волебны періоды, і неможе так знову кандідовати.  (TASR, Pkf)