Фінанчны вклады на поміч найменше розвинутым окресом будуть ефектівнішы, адреснішы і транспарентнішы. Выходить то з новелы закона о підпорі найменше розвинутых окресів з ділні міністеркы про інвестиції, реґіоналный розвой і інформатізацію Веронікы Ремішовой, котру вчера підписала презідентка СР Зузана Чапутова. Новела принесе зміну оріґіналного моделу приправы і оцінюваня вызев на даваня вкладу заложеного на рекомандації окресных урядів.  Модел мать быти вычеряный за новый, транспарентнішый.  Приправовати і  оцінювати вызвы будуть управляючі выборы зложены зо заступців Міністерства інвестицій, реґіоналного розвоя і інформатізації СР, вышшых уземных цілків, до котрых найменше розвинуты окресы патрять, окресных урядів найменше розвинутых окресів, міст і сел належаючіх до найменше розвинутых окресів і соціалні-економічных партнерів. Закон зачне быти діючім од 1-го новембра того року. (TASR, Pkf)