Влада Словацькой републікы на своїм днешнім засіданю схвалила пропозіцію Народной протинаркотіковой стратеґії СР на період років 2021 аж 2025 з візійов до року 2030, котру приготовило Міністерство здравотницьтва. Цільом резорту здравотницьтва є „хоронити і звекшовати благо сполочности і особ, хоронити публічне здравя, додавати высокый ступень безпечности про шыроку верейность і забезпечіти мултідісцілінарьный, інтеґорваный, вываженый і фактами підложеный приступ односно наркотіковой проблематікы“. За порядком то шестый стратеґічный, надрезортный матеріал про область наркотіковой політікы на Словакії. Надвязує на стратеґію про період років 2013 аж 2020. Стратеґія хоче продовжовати в наставленім прямованю протинаркотіковой політікы на Словакії, вдяка котрій сьме подля резорту здравотницьтва меджі країнами з добрі звладнутов наркотіковов проблематіков.

(Медвідь, TASR)