x

Убля кінчить з даваням помочі войновым утеченцям з Україны.

00

Село Убля на словацько-україньскій границі буде “в поготовості“ про даваня помочі войновым утеченцям з Україны до кінця юна. Чісло постелі, котры мала к діспозиції про выселенців, зредуковала на скоро 20, од юла небуде на догоду заместнавати штирьох робітників, котры на граничнім переході і в сельскім захітнім містечку помагали гасічом. Причінов є, же штат селу фурт невыплатив келчік повязаный зо звладнутям приливу войновых утеченців, културный дом тыж потребує оправити. Увела то про TASR старостка села Надежда Сіркова. Як дале повіла, же од выпукнутя войнового конфлікту на Україні дало село поміч в різных формах 75.000 аж 78.000 людям. Ход културного дому як нуджового переходного перебываня є село приправене утримати до кінця юла, в авґусті го запре. Як про TASR реаґовав резорт внутра, село бы ся рефундації споминаного келчіка мало дочекати в найближшых дньох. (TASR, Pkf)