В областях Україны, котры окупують російскы войска, якбач буде зрушене навчаня україньского языка. Інформовав о тім російскый денник Коммерсантъ. В статі денника ся пише, же нова пропозіція державного освітнього проґраму на рокы 2025 аж 2026 уж не рахує з україньскым языком ани як із волительным предметом в „новых субєктах Російской федерації“. Має то быти дослідок „мінячіх ся ґеополітічных обставин у світі“. Наряджіня дотулять ся основных і середніх школ. DPA припоминать, же єднов з причін, котры російскый презідент Владимір Путін повів при початку інвазії перед веце як трьома роками, было, за його словами, потискованя російского языка на Україні, і приобіцяв втогды, же Росія буде діяти іншак і уможнить хоснованя україньского языка.

(Медвідь, TASR)