Днесь в голандьскім Гаазі почне 34-ый саміт голов держав і влад Североатлантічной аліанції. Очекує ся, же лідеры офіціално схвалять обовязок значно підняти інвестіції до своїх оборонных вытрат на пять процент ГДП на рік. Голандія є основаючій член НАТО і саміт орґанізує першый раз. Саміт почне днесь вечур вечерьов лідерів на запрошіня голаньского краля Віліама-Александра і кральовной Максімы. В єднакім часі на робочій вечері окремо стрітять ся і міністры загранічных діл а міністры обороны членьскых держав. Саміт буде продовжовати в середу дополідне засіданьом Североатлантічной рады. Саміт мав наперед тырвати три дні. Орґанізаторы наконець вырішыли скоротити го на єдно робоче засіданя тырваюче дві і пів годины. Причінов мало подля денника Financial Times быти то, же хотіли передыйти передчасному одходу Доналда Трампа зо саміту.

(Медвідь, TASR)