Уставный суд евідує до днешнього дня цілково три жалобы дотуляючі ся комуналных волеб з 10. новембра. Волебны жалобы є можне подати до десятьох днів по ознамліню результатів волеб. Як інформувала Івана Вілінска з пресового і інформачного одбору Канцеларії Уставного суду СР, “в згоді зо законом о уставнім суді уставный суд вынесе вердікт о жалобі на неуставність ці незаконність волеб до орґану містной самосправы або против результату волеб до орґану містной самосправы до 90 днів од вручіня жалобы.“
(ТАSR)