Фіньскый презідент Саулі Нііністо высловив у віторок похыбности, же ся спор з Турційов о вступі Фінландії і Швеції до НАТО подарить вырішыти до слідуючого саміту лідерів Аліанції в Мадріді. Інформацію принесла аґентура DPA. Нііністо на сполочній пресконференції з предсидательков Европского парламенту Робертов Метсоловов повів, же і кебы Турція не змінила свою позіцію, все є проґресом, кедь країны межі собов їднають. Швеція і Фінландія пожадали о членство в Североатлантічній аліанції в половині мая. Турція як член Аліанції блокує зачаток приступовых їднань з обидвома країнами.

(Медвідь, TASR)