x

ЕУ вырішыла одложыти датум выступліня Споєного кральовства з ЕУ

00

Членьскы країны ЕУ ся вчера через своїх послів договорили на одложіню датуму выступліня Споєного кральовства з ЕУ. Актуалні тот термін быв напланованый на 31-октобра. За інформаціями пресовой аґентуры AFP шак діпломаты новый термін про брехіт непризначіли. „Цільом даной стрічі небыло одобріня офіціалного вердікту, што ся і стало,“ повів неназваный діпломат по стрічі послів 27 членьскых країн ЕУ, котре ся одбыло вчера вечур. За інформаціями того самого джерела  „двадцитьседмічка“ была згодна на потребі ппродовжня октобрового терміну про выступліня Британії з ЕУ, абы ся передыйшло сценарю такзваного твердого брехіту.  (TASR, Pkf)