Кандідачны спискы до парламентных волеб до неділі півночі, коли быв законом становленый термін, передложыло 24 політічный партій і єдна коаліція. На списках є цілково 2 728 кандідатів. Далшым кроком є пробаданя списків Державнов комісійов про вольбы і фінанцованя політічных партій. Термін є до 12-го юла. Як повіла директорка Одділіня волеб, референдуму і політічных партій Міністерства внутрішніх справ Словацькой републікы Ева Хмелова, каждый передложеный кандідачный список перейде контрольов. Найважніше при тім є, жебы быв кандідат правилно розпознательный. Найпізніше до 22-го юла кандідачны спискы, котры суть в згоді зо законом, державна комісія зареґіструє і безодкладно по зареґістрованю комісія лосом становить чісло, котрым означіть ся кандідачный список політічной партії або коаліції.

(Медвідь, TASR)