Председа Народной рады Борис Коллар скликав міморядне засіданя ку стрічі найвысшых представителів державы в будові Словацькой інформачной службы. Зачати має в середу. Єдиным пунктом проґраму має быти „пропозіція ґрупы депутатів НРСР на приятя узнесіня НРСР ку важным підозріням з політічного овпливньованя і маніпулації поступу орґанів чінных в карнім процесі“. Засіданя ініціовав опозічный депутат з партії Smer-SD. Хоче, жебы на нім премєр Геґер пояснив „тайну стрічу“ представителів державы в будові інформачной службы. Бісідує о розкладі правной і демократічной державы. На даній стрічі в понедільок 17-го мая мало брати участь коло 10 людей включно найвысшых конштітучных діятелів. Темов мало быти підозріня, же розсліджованя дакотрых великых політічных кавз може быти зманіпуловане.

(Медвідь, TASR)