Словацька републіка має міцьный інтерес о нормалны, покійны односины з Мадярьском, з позітівнов аґендов прямованов до будучности, а не вертаючов ся до минулости. Повів то в понедільок в Будапешті міністер загранічных діл і европскых справ Словацькой републікы Мірослав Влаховскый по стрічі з мадярьскым міністром загранічных діл і вонкашніх економічных односин Петером Сійярто. Подля Влаховского ся звязы меджі Словакійов і Мадярьском дотуляють многых областей і суть провірены часом. Міністер подяковав Мадярьску за то, же од 1-го юла приєднало ся ку остатнім країнам Вышеградьской штирькы в охрані словацького воздушного простору.

(Медвідь, TASR)