x

На поздоровліню Папы і русиньска делеґація

00

Вчера в загороді Презідентьского палаца в Братіславі одбыло ся Поздоровліня Святішого Отця Франціска при нагоді його апостольской навщівы в Словацькій републіці. Презідентка Словацькой републікы на тоту вызначну подію запросила і делеґацію Русинів. Делеґацію творили Петро Медвідь, член порадного орґану про меншыны презіденткы СР за Русинів, председа Округлого стола Русинів Словеньска Петро Штефаняк, председа Русиньской оброды на Словеньску Мартін Караш, председа орґанізації молоды.Русины Марек Гребік і отець Франтішек Крайняк, ініціатор і автор русиньскых літурґічных перекладів. Участный быв і далшый Русин, Мілан Ян Піліп за Уряд про Словаків жыючіх в загранічу. Русиньска делеґація оцінила, же при так вызначній історічній дії, яков є навщіва Папы на Словакії, не забыло ся ани на Русинів. Днесь Франціск быв головным служытельом Божеской літурґії св. Йоана Златоустого в Пряшові. На стрічі з ґрекокатоликами мав і проповідь.

(Медвідь)