Кедь ся Булгарії не подарить сповнити інфлачны цїлї становлены Европсков централнов банков, єй вступ до еврозоны планованый на зачаток рока 2025 ся може опізнити о дакілько місяцїв. Повів то у четверь ґувернер булгарьской централной банкы Дімітар Радев. Інформовала о тім аґентура Reuters. Гармонізована меджірочна міра інфлації досягла в Булгарії в марцу 3,1  %. І кедь ся опроти фебруару (3,5 %) змірнила, на вступ до еврозоны то не мусить стачіти. На то, жебы могла держава вступити до меновой унії, не сміє быти містна інфлація высша як 1,5 процентуалного боду над міров інфлації трёх найлїпше сі почінаючіх держав.

(TASR, Шутіова)