Лідры штатів і влад членьскых країн Европской унії (ЕУ) ся вчера вечурь, в першый день выняткового самміту ЕУ в Бруселі, договорили на потребі даню Україні сістемів противоздушной обороны. В приятых заключінях к Україні ся пише, же ЕУ бы мала Україні урґентно дати противоздушну оборону і прискорити  і зінтензівнити даваня вшыткой потрібной воєньской помочі вєдно ділострілецькых патроль і ракет. Лідры ЕУ єдночасно остро одсудили продовжуючі ракетовы атакы Росії на цівілны і інфраштруктурны цілі і на енерґетічный сектор на Україні. Членьскы штаты тыж вырішыли, же дають векшу матерялну поміч, главні в подобі ґенераторів на выробу електрикы. (TASR, Pkf)