Люди, котры ся вертають з Італії, Кітаю, Южной Кореї і Ірану на Словакію, будуть з причіны пошырьованя нового коронавірусу повинно в домашній ізолації. Єдночасно од днесь зачав платити заказ орґанізованя громадных шпортовых, културных і сполоченьскых подій. Дотулять ся то фізічных особ, подникателів і компаній а заказ платить до 23-го марца. Публічны выглашкы з приятыма кроками публіковав Уряд верейного здравотницьтва Словацькой републікы. О кроках вырішыв у понедільок крізовый штаб. В припаді навернутя зо споминаных країн мусить каждый обовязково і безодкладно контактовати свого практічного лікаря, котрый выпише мародку. 14-дньову карантену мусять абсолвовати і люди, котры з нима жыють в єднім обыстю. На Словакії дотеперь потвердило ся сім позітівных припадів хвороты COVID-19, котру запричінює новый коронавірус, неґатівных было 541 взорок.

(Медвідь, TASR)