В суботу 28-го юна одбыв ся четвертый річник турістічного походу ку дзвініці на битевнім полю Першой світовой войны на верьху Скоры над селом Гостовиці в окресі Снина. Подія має за ціль спопуларізовати тото місце і єдночасно приближыти людям його історію. Про денник Кorzár то повів Мартін Дробняк із Клубу воєньской історії Бескіды. Турісты ішли через научный турістічный пішник, котрый клуб выбудовав рік тому. Довжка трасы была 12 км. Дзвініця стоїт на місці два рокы, має шість метрів і є з дерева. Тоту так само выбудовав клуб. В селі ся так само подарило обновити воєньскый цінтерь. За 1-ой світовой войны в катастрі села проходили тяжкы бої. Почас Великодньой битвы у 1915-ім році собі бої выжадали тісячі мертвых.
(Медвідь, Korzár)