Піротехніци знешкоднили у четверь в Остраві велику лїтецьку бомбу, котрой обяв при выкоповых роботах собі выжадав велику евакуацію. Інформовав о тім справодайскый сервер Novinky.cz. Бомбу, котра подля доступных інформацій походить з періоду другой світовой войны, нашли робітници в остравскім обводї Поруба на уліцї В Заградах. Локалітов переходили поліцайны авта, котры помочов ампліонів упозорнёвали жытелїв, жебы ся не стримовали в околіцї місця налезу. В области жыють і імобілны люде, котры мусили тыж опустити свої домовы. Поліція їм в тім повязаню помогла з перевозом до недалекого домова сеніорів. Бомбу ся піротехнікам подарило знешкоднити а наслїдно ю одвезли на цїлкову ліквідацію, повів поліцайный говорця Рене Черногорьскый.

(TASR, Шутіова)