Сумов вецей як 36 міліонів евр підпорив резорт жывотного оточіня од 2016-го року проєкты заміряны на енерґетічну ефективність, охрану воды і воздуха в окресі Свідник, Бардіёв, Меджилабірці і Стропків. Цілково ішло о 163 проєктів. В часі вчерайшой навщівы Свидника то сконштатував підпредседа влады СР і міністер  жывотного оточіня Ласло Солимос. Як далі конкретізував Солимос, „підпоруєме зелены проєкты, котрым цільом є зліпшыты жывотне оточіня, то значіть і жывоты людей, котры ту жыють. За послідні рокы сьме далей підпорили понижуваня енерґетічной нарочности будинків, але і підпорили сортируваня і реціклацію одпаду ці зліпшіня якости воздуху.“ (TASR, Pkf)