Містьскы посланці у Свіднику вчера одобрили звышіня містных дані і поплатків на 2020-ый рік. „Місто Свідник приступило к аналізі прибытків і выдавків і сьме донучены реаґувати на условія, котры нам приправив штат. Єднак звышіньом поплатків за уложіня одпаду, котрый є законом звышеный. Далей іде о мінімалный заробіток, десятьпроцентне навышіня заробітків, а то нам робить „діру„ в бютжеті 400.000 евр, што неє мало. То значіть, же єдным з опатрінь, як хочеме насправды быти одповідныма, є і наріст містных дані і поплатків, але насправды звышуєме то лем в мінімалній мірї,“ повіла то про  TASR пріматорка Свідника Марцела Іванчова. Наприклад, поплаток за команулный одпад ся звышыть у Свіднику о 25 центів на обывателя за місяць, при дані з будов посланці вырішыли о звышіню, што ся дотулять середнього квартелю о 20 центів на місяць а при середнім родинім домі о 45 центів за місяць. На основі звышіня дані і поплатків прибуде за словами пріматоркы до містьского бютжету коло 76.000 евр.  (TASR, Pkf)