Музей русиньской културы в Пряшові сі буде жадати немалы інвестіції до інфраштруктуры. Резорт културы ся тым буде занимати. Увела то міністерка културы СР Мартіна Шімковічова (номінантка SNS), котра у четверь перед выяздовым рокованём влады в Михаловцях навщівила інштітуції на выходї Словакії. TASR о тім інформовала директорка одбору комунікації Міністерства културы СР Петра Бачіньска. Шімковічова навщівила Словацькый технічный музей в Кошіцях, Театер Віола в Пряшові і Словацькый народный музей – Музей русиньской културы в Пряшові. ,,Рада бы єм позвала вшыткых людей, жебы сі нашли час а протягом навщівы выходу Словакії ся заставили і в нашых музеях. Сталы експозіції, але і короткодобы ці довгодобы выставы мають доісна чім ухватити,“ підкреслила.

(TASR, Шутіова)