Україньскы союзници в тзв. коаліції охочіх планують почас четверьговой стрічі в Паріжі дефіновати безпечностны ґаранції про Київ. Стріча одбуде ся під веджіньом французьского презідента Еммануела Макрона і брітаньского премєра Кеіра Стармера, інформує аґентура AFP. Як Макрон написав у понедільок на платформі X, будуть із партнерами і у співпраці з НАТО продовжовати в дефінованю масівных безпечностных ґаранцій про Україну. Тоты суть подля шефа Елізейского палацу потребныма обставинами про досягненя доставірного проґресу напрямом ку міру. Додав, же союзници оцінять і позіцію Росії, котра продовжує у своїй аґресівній войні, і не хоче мір.

(Медвідь, TASR)