Вытворити помічну схему на обнову економік країн Европской унії (ЕУ) в подобі плану обновы і одолности было потрібне, тото ожывіня буде мусіти выстачіти. Повів то австрійскый канцелар Себастіан Курз. Прото ся мусять країны ЕУ заміряти на то, де гроші інвестують. Згодли ся на тім Курз і премєр СР Едуард Геґер в часі діскусії на меджінародній конференції GLOBSEC 2021 Bratislava Forum. “Австрія і іншы країны в ЕУ были скептічны протів фонду обновы на початку. Наконець сьме были згодны, протоже собі думаме, же пакунок є добрый, думаме собі, же вердікт є добрый і же є потрібне інвестовати много грошей на наштартованя економік,“ позначів Курз з тым, же план обновы поважує за інштрумент, котрый є потрібный в тім часі, але не є то ніч, што бы ся мало повторювати частіше. (TASR, Pkf)