Вердікт Найвысшого суду СР (НС СР) в припаді вбивства новинаря Яна Куціака є про шефредактора порталу Актуаліты Петра Бардіго малов перемогов справодливости. Є рад, же НС СР припад вернув назад актуалному сенату Шпеціалізованого трестного суду. Подля Бардіго то значіть, же ся там ненашли доказы, котры свідчать о тім, же сенат вырішыв в злій вірі. Барді собі думать, же сенату Шпеціалізованого трестного суду ся буде тяжко чітати арґументація Найвысшого суду, котрым вертать припад назад. НС СР вчера зрушыв розсудок Шпеціалізованого трестного суду зо септембра 2020, котрым были в кавзі Куціак  з під обжалобы ослободжены Маріан К. і Алена Зс. Предмет вернув назад на Шпеціалізованый трестный суд. (TASR, Pkf)