Російскый   літецькый уряд Росовяця в ночі на днесь інформував, же подля дани літецькой компанії шеф російской жолднєрьской ґрупы Євґеній Пріґожін быв на палубі летадла, котре вчера впало в Тверскій області. Уряды уж перед тым ознамили, же негоду нихто непережыв. Інформують о тім аґентуры AP і AFP і телевізія  Sky News. Летадло, котре мало патрити Пріґожінові, было в напрямі з Москвы до Петрограду, де мають центрум його фірмы. Телеґрамовый канал Grey Zone близькый ваґнеровым вчера увів, же строй быв цілені зостріленый противоздушнов оборонов над Тверсков областьов. (TASR, Pkf)