Безпечностна рада Орґанізації зъєдиненых народів в понедільок в Ню Йорку схвалила резолуцію підтримуючу мірный план америцького презідента Доналда Трампа про Пасмо Ґазы. В тексті находить ся і згадка о можливости будучого існованя Палестіньской державы. Росія приготовила конкуренчну пропозіцію, і вєдно з Кітайом стримали ся голосованя. Безпечностна рада голосованьом так само схвалила насаджіня Меджінародных стабілізачных сил на здевастованій теріторії. Текст одобрує і зряджіня мірной рады, переходного рядячого орґану про Ґазу, котрого бы теоретічно председом быв Трамп із мандатом до кінця 2027-го року.

(Медвідь, TASR)