Іран не хоче войну з Ізраелом ани зо Споєныма штатами, но є приготовленый бранити ся в припадї, же буде зась нападнутый. Протягом четверёвой навщівы в лібаноньскій метрополї Бейрут то выголосив іраньскый міністер загранічных дїл Аббас Аракчі, інформує TASR на основі аґентуры AP. Міністровы выражіня пришли в часї, кедь ся многы боять, же Ізраел зась зауточніть на Іран, як то зробив в юну протягом 12- днёвой войны, до котрой ся запоїли і США. Лїтецькы атакы обидвох держав цїлили на ядровы заряджіня Ірану а выжадали сі смерть многых попереднїх воєньскых достойників ці ядровых науковцїв. ,,Америка і Ізраел уж спробовали зауточіти на Іран а тот засяг і стратеґія ся скончіли тоталным неуспіхом,“ выголосив Аракцї на увод своёй двойднёвой навщівы Лібанону. ,,Кедь то будуть повторяти, чекають їх єднакы резултаты,“ варовав міністер. ,,Сьме приготовлены на будьяке рїшіня. Не хочеме войну, але сьме на ню приготовлены,“ доповнив.

(TASR, Шутіова)