Стара Любовня в тых днёх зачінать з далшов фазов комплексной обновы основной умелецькой школы на Окружній уліцї. На реалізацію проєкту самосправа здобыла ненавратну фінанчну дотацію веце як 240 000 евр. Місто было зо жадостёв о дотацію успішне в марцу того рака в рамках Операчого проґраму Якость жывотного окружіня. Обнову загорнює затеплёваня обводового плаща і плафоновых конштрукцій, выміну выглядів, дверей, освітлїня і устредного вытапляня. Такыма управами ся подля пріматора Старой Любовнї Любоша Томка успорить енерґія будовы аж о 82 процент. Реконштрукчны роботы мають проходити 12 місяцїв. Основну умелецьку школу навщівовало в минулім роцї веце як 600 школярів.
(TASR)