x

24. новембра одышов до вічности Мірослав Віцо

00

Вчера 24-го новембра одышов до вічности і далшый Русин. У віці 80 років умер в Братіславі Мірослав Віцо, брат нашого карікатурісты Федора Віца, котры ся народили в русиньскім селі Шапінець, днесь є то сучасть села Округле. Мірослав Віцо быв довгорічным редактором Главной редакції проґрамів споза граніці в бывшій Чеськословеньскій телевізії в Братіславі. Вєдно з братом Федором довгы рокы орґанізовали в Пряшові Меджінародный вытварный конкурз під назвов Злата бочка. Вічная єму память.

(Кузмякова)