По літніх вакаціях собі днесь сіло до школскы лавок скоро 684.000 учнів основных і середніх школ. З того чісла буде скоро 485.000 навщівлювати основны школы і вецей як 199.000 середні. Як міністерка школства , наукы, дослідженя і шпорту Мартіна Лубійова повіла, „Першокласників, котры підуть по першый раз до школы, буде в школскім року 2018-2019 скоро 56.700. Скоро десять процентів дітей достало одложіня, то значіть , же при записі было вырішено, же ненаступлять до першого рочника“. Як далі міністерка інформувала на Словакії маме вецей як 2700 школ. З того чісла основных школ є 2000 а середніх 700. Чісло даных типів школ ся з рока на рік барз немінить.
(TASR)